طريقة قفل الراوتر بالماك ادرس وتحديد السرعة وتحديد الباند الخارج للراوتر TP-LINK

السلام عليكم شباب منتدانا شيعة آمرلي

كما و عودناكم على طرح المواضيع الجديدة التي تخص مجال عملنا ... عسى والا ان نقوم بزيادة خبراتكم العملاقة و ان شاء تعالى درسنا اليوم راح يكون على كيفية تحديد السرع في راوترات TP – Link و تحديد مقدار الباند الخارج للاجهزة المتصلة و الغاية منها هي الانصاف في تقسيم سرعة الانترنيت للجميع لكي تقل مشاكل الضعف عند التصفح والتحميل

كما تعرفون احنة من نبرمج الراوتر نخلي يوزر و باسورد و السلام ... لكن في حال اني بديت احمل فلم او برنامج معين وسحبت الباند كلة ... والباقين حيظلون صافنين .... لكن انشاءالله اليوم نحل هذه الاشكالات بطرق سهلة وبسيطة .... خلي نتابع ....

ندخل على الراوتر عن طريق الايبي اما 192.168.0.1 او 192.168.1.1 واليوزر والباسورد هو admin

نذهب الى الامتداد التالي
DHCP
DHCP Clients List

مثل منشوف ظهرت عندي جهازين مربوطة عالراوتر و ماخذة ايبي رينج الراوتر و مبينة الماك ادريس مالجهاز و نوع الجهاز

احنة شغلنة راح يعتمد على الايبي والماك ادريس .... بالاضافة الى انه راح تزداد عندنا الحماية بنسبة 100 % ... اي بمعنى لا يستطيع احد الربط على الراوتر حتى لو كان يملك كلمة المرور .... و اي جهاز جديد ترغب في ربطه عليك تعطيل الخاصية و اضافته اولا ثم تشغيلها من جديد

بعدها نذهب الى الامتداد
Wireless
Wireless MAC Filtering

و نبدأ بأضافة الاجهزة المربوطة ....
1- Add new
2- في خانة الماك MAC Address نلصق الماك ادريس للجهاز الرابط واللي شفنا بالامتداد Wireless MAC Filtering
3- في خانة Description نضع اسم للجهاز مثلا my laptop او my I phone او الخ
4- نحفظ الاعداد و نكرر العملية على عدد الاجهزة المربوطة ..

هسة بعد ما اضفنا الاجهزة نجي نفعل الخاصية عن طريق Allow و بعدها Enable

لحد هنا احنة ضفنا الاجهزة فقط ... هسة راح نجي نحدد الباد لكل جهاز ... يعني شكد تريد تنطي لكل واحد مثلا 256 كيلو او 512 او واحد ميكا او الخ .....

نذهب الى الامتداد
Bandwidth Control
و بعدها للامتداد
Rules List

و نضغط على add new كما في الصورة

بعدها نجي نحدد الباند لكل جهاز

1- IP Range نضع ايبي الجهاز مثل الهاتف او الحاسوب واللي ايضا موجود في DHCP Clients List
2- Port Range نضع في اول خانة العدد 1 والخانة الثانية 62222
3- Max Bandwidth Kbps نضع حجم الباند مثل 256 او 512 او 128 حسب اللي تريدة (هنا تكمن الفحوة )
4- نحفظ الاعدادات

و نكرر العملية على عدد الاجهزة و بهيج حالة احنة سيطرنا على الانترنيت ... بقت بس عملية انه نسوي reboot للراوتر ....

الى هنا انتهى درسنا على هذا النوع من الراوترات اتمنى كنت وفقت في الشرح والسلام عليكم

» طريقة الدخول للنانو عن طريق الراوتر شرح مصور السلام عليكم اليوم حبيت اشرحلك طريقة دخول النانو ستيشن عن طريق الراوتر( يعني شنو) يعني هسه انته من الراوتر تشوف اشارة النانو بدون ماتربط الكيبل وكذلك تكدر تاخذ الابتوب معاك
» الراوتر وطريقة عمله " الراوتر
» طريقة عمل الحلويات بالصور- طريقة عمل الحلويات الشرقية والمصرية بانواعها
» شرح سد ثغره Wps في الراوتر ، لتجنب من الاختراق
» كيفية تحديد الاشخاص المسموح لهم فقط بالدخول الى الراوتر